BAD pista dinheru pa boa gobernaçon, cu infra-estrutura

Banco Africano di Desenvolvimentu (BAD) pista Guiné-Bissau dinheru na balur di US$ 34 milhões (25 milhões di €) pa pudi reforsa bom gobernaçon cu infra-estrutura, i falal na quinta-fera um fonti oficial.

Es i um empréstimu pa reforsa bom gobernaçon cu desenvolvimentu di infra-estrutura económica i financeira pa apoio atividadi produtiva té 2015", i falal pa AFP, na Guiné-Bissau Ministru di Economia,  Plano cu Integraçon Regional, Helena Nosolini Embaló.

Misson di BAD tchiga tambi terça-fera na capital di Guiné-Bissau, nunde ku i nafica té sábadu, i fala Ministério di Economia, Plano cu Integraçon Regionald i Guiné-Bissau, na um comunicadu pa AFP.

BAD na bai mobiliza recursus financerus adicionais di utrus parcerus pa beneficia Guiné-Bissau, i faladu pa AFP um fonti di representaçon di instituiçon financera, na Bissau.

"Es recursus na bim destinadu son pa quiriaçon di tarbadju, raparti coitadessa i pa luta contra  escluson economico e social, cu fraqueza políticadi Guiné-Bissau", i faladu.


© Agence France-Presse

França dicidi cancela tudu díbida di Guiné-Bissau

França dicidi cancela tudu díbida di Guiné-Bissau, i falal Ministro di Finanças di Guiné-Bissau, qui gardici tambi forsa ku si País na fassi nés momentu em relaçon a situaçon economica e financera.

"Purdon di nô dibida ku França na balur di 8.500.000 €, i pabia di cuma i notadu garandi sforço ku goberno na mostra, i utrus parcerus odjal tambi i, pabia di és, ku i tem pagamentu di salario em dia, i fala José Mario Vaz.

Documenti pa cancelamentu di díbida pública francis i sinadu quinta-fera entre Sinhor Mario Vaz cu Embaixadur di França na Bissau, Michel Flesch.